Overblog Suivre ce blog
Editer l'article Administration Créer mon blog
Le Blog des EMBÊTÉS

البيان الصحفي للعمل المواطني إنظف نهجي ونستحفظ عليه, الأحد 27 مارس 2016

البيان الصحفي للعمل المواطني إنظف نهجي ونستحفظ عليه, الأحد 27 مارس 2016

" إنظف نهجي ونستحفظ عليه "

نهار الأحد 27 مارس 2016

في كامل ولايات تونس من بنزرت إل بنقردان في كل حومة في كل زنقة في كل نهج تحت شعار " أنظف ونزين نهجي والا أي بقعة تعز علي ( مدرسة جنينة
كيفاش وعلاش نشارك ؟

مجموعة " بدل السلوك تتبدل العقلية " على الفايسبوك تستدعى كل المواطنين باش يشاركو كل مع بعضهم في نفس الوقت ونفس النهار في الحملة الثامنة متاع " إنظف نهجي ونستحفظ عليه " إلي باش تكون نهار الأحد 27 مارس 2016 .

كيما العادة ولا يقطعنا عادة راهو ما حاشتناش بإمكانيات مادية يكفي إرادة وعزيمة قوية وبرش جو باش ننظفو نهوجاتنا ولا البقايع إلي تعز علينا ما ننساوش إلي كيما إنظفو يلزم نحافظو على نظافة الأماكن هاذيك بتوعية الناس وبمساهمة البلديات .

كيفاش نساهم في الحملة ؟

ساهل برشة كل واحد يحب يشارك معانا وينظف نهجو ولا بقعة اختارها (حديقة عمومية– محيط مدرسة مستشفى والا أي بقعة أخرى ) يدخل لصفحة je nettoie ma rue et je la maintiens propre عل الفايسبوك ويعمر استمارة المشاركة في الحملة هذي https://www.facebook.com/groups/1159574887392152/permalink/1201560216526952/?hc_location=ufi

في أعلى الصفحة زادة نشرية معلقة تدخل عليها وتختار حومتك ولا نهجك ولا البقعة إلي نويت باش تنظفها باش العباد إلي تسكن بحذاك ولا عينها باش تكون معاك تقيد كيفك وقد ما تكونو برشة قد ما فمة جو http://www.fichier-pdf.fr/2015/09/12/lettre-pour-la-municipalite-en-arabe/lettre-pour-la-municipalite-en-arabe.pdf

باش نلتزم إذا قررت نساهم في تنظيف بقعة محددة ؟

لازم تنسق مع البلدية متاعك تعلمها تتصل بيها وتنجم تستعمل المودال هذا

وهكاكة تكون متأكد إللي البلدية باش تجي تعاونك وتساهم معاك

ما تنساش تاخذ تصاور قبل ما تبدأ تنظف وبعد ما تكمل وتصبهم على صفحة " تبدل السلوك تتبدل العقلية " وصفحة " إنظف نهجي ونستحفظ عليه "

لازم الحملة هذي ما يكون فيها حتى شعار سياسي .

في لخر نعمرو استمارة التقييم

http://goo.gl/forms/Ag2zN1IbSf

للاتصال بمنظمي العمل المواطني و ادمينات صفحة “بدل السلوك تتبدل العقلية”

onaeteembetepourvous@gmail.com

Partager cet article

Repost 0

Commenter cet article